الكسكس بالمعمر

● في كوكوت، سّخني السمن والزيت .زيدي البصل المفروم و قطع الدجاج وخليهم يتقاّلو شوية.
تّبليهم بـ الفلفل لكحل، الفلفل العكري، القرفة، الكبابة، والملح، زيدي حّميصة و مكعب جومبو دجاج.
خّلطي كلش مليح و صبي الماء السخون حتى يغّطي الدجاج .غّطي الكوكوت وخليه يطيب على نار
متوسطة حتى يطيب الدجاج مليح .منين يطيب، نحيه ودهنيه بالزبدة ودخليه الفرن باش يتحّمر شوية
ويولي ذهبي.
● في طنجرة أخرى، قّلي نص البصلة في شوية سمن وزيت،زيدي كبدة الدجاج مقّطعة وخليها تتقلى
مليح.تّبليها بنفس توابل المرقة، و زيدي شوية من الصوص اللي طيبتي بيها الدجاج.خلي الكبدة تطيب
مليح على نار هادئة.
● في نفس الوقت، حّمصي زوج كيسان سميد متوسط في طاجين ولا مقلاة حتى يولي دهبي .زيدي السميد
المحّمص تدريجياً فوق صوص الكبدة، و حّركي مليح حتى تتحصلي على خليط متماسك.
غّطيه وخليه يشرب المرق على نار خفيفة حتى يتعمر مليح.
● حّضري الكسكس بالطريقة العادية.قّدميه في صحن كبير، زينيه بـ المعمر، الحّمص، أفخاذ الدجاج
المحّمرين، والبيض المسلوق المحكوك من فوق