ساعة واحدة
متوسط
+04 per.
مكونات
التليتلي.
● نص صدر دجاج
● زيت
● زبدة
● مغرف كبيرة سمن
● حبة بصل متوسطة (مسكرفجة(
● شوية شامبينيون (طازج ولا معلب).
● التوابل :ملح، فلفل كحل، عكري فلفل أحمر.
● 1مكعب جومبو دجاج
● مغرف صغيرة طماطم مصبرة
تحضير
● في مقلة :ديري شوية زيت وشوية زبدة، حطيهم يسخنوا حطي التليتلي وحمصيه حتى ياخذ لون ذهبي شباب هذا يزيدلو بنة بزاف هايلة نّحيه وخليه على جهة
● في طنجرة ولا مقلة :ديري الزيت والمغرف نتاع السمن حطي طراف الدجاج، ديري عليهم شوية ملح وفلفل كحل وقليهم حتى يتحمروا من الجهتين حوالي 2 دقايق لكل جهة ; نّحي الدجاج وخليه بجهة
● في نفس الزيت نتاع الدجاج، قلي البصل (المسكرفج) وزيدي الشامبينيون .خليهم يذبالو مليح زيدي التليتلي اللي حمصتيه فوق البصل والشامبينيون وقليهم شوية باش يتغلف التليتلي بالبنة زيدي التوابل ، مكعب مرق الدجاج جومبو ومغرف صغيرة نتاع طماطم مصبرة
● مرقي بالماء سخون حتى يتغطى التليتلي، وزيدي رجعي طراف الدجاج لداخل كي ترفد الغلية، نقصي كامل للنار وغطي عليه وخليه يتشرب السوائل كامل ويطيب على حبة
● قدميه سخون، وزينيه بالبيض مغلي
