عجة تونسية

● في مقلة، ديري شوية زيت وسّخنيها، من بعد نقبي المرقاز بشوكة وقليه حتى يتحّمر مليح من الجهتين . كي يطيب، نّحيه وخليه على جهة .خلي شوية من ليدام اللي خرج من المرقاز في نفس المقلة، وزيدي البصلة مقطعة والفلفلة، وقّليُهم على نار قاوية مع رشة ملح باش يطلقوا رواحهم ويوّلو طرايين .
● من بعد زيدي الطماطم المقشرة والمقطعة مكعبات كبار، ومعاهم كمية مليحة نتاع الثوم .زيدي شوية
طماطم مصبرة، شوية هريسة، شوية فلفل حار، والكروية، ومن بعد فّتتي فوقهم جومبو تاع مرق الدجاج
باش يعطي البنة .خّلطي كلش مليح وخليه يتقلا شوية حتى توّلي الريحة بنينة والصوص تتعّسل.
● مّرقي بكاس ماء برك، وكي تبدأ المرقة تغلي، رّجعي المرقاز باش يشرب النكهة ويطلق البنة تاعو.
● غطي المقلة وخليها تتجمر على نار هادئة حتى توّلي الصوص عاقدة ولونها شهي .بعدها، ديري بلايص صغيرة بين حبات المرقاز بالمغرف، وفّرغي فيهم البيض، وخليه يطيب على راحتو :يا صفار سايح، يا طايب مليح.
● وفي الأخير، زيدي رشة معدنوس فوق الطبق وقّدميه سخون